شمس تبریزی کنگره سینه گؤره
شمس تبریزی کنگره سینه گؤره
بهرام صاحبدل (هایم)
خوی قیزیل گول لی گولستاندی تیکانلیق گؤرمیون
کـینـه تـخـمون اکـمـیـون بیـزدن یامانلـیق گؤرمیون
بـو گـؤزل دارالـصّـفـانی ائـتـمــیـون بـیـت الـحـزن
خـالـقـیـنـی سینسـیتمه گه پیس زندگانلیق گؤرمیون
شـرم ائدین قـانــلی کـفــن قـانه بـاتـانـلار حـقـیـنـه
قـانـلارا خـؤر بـاخـمـاقـی سیـز قـهرمانلیق گؤرمیون
گئـتـمـیـون طاغوت گئدن یؤل لاری قـرآن نـامـیـنه
سیــز رعیّـت سانمــیون بو خلقــی خانلیق گؤرمیون
بیتگی بیـتمز یئرده، گؤی یاغماز، عــدالت اؤلــماسا
ظـلم ائــدیب گول لی گولستاندا وئرانلیق گؤرمیون
دین آدیله مردمه قـمچی ویــریــب خوار ائتــمیـون
اکمــیـون بـذر عـداوت بـدگـمـانـلـیـق گـؤرمیـون
عــدل اگر جــاری اؤلا مــلّــت یاشــار آســوده دل
چیــخــمـایین عـدلـین یؤلوندان ناگرانلیق گؤرمیون
مــلّــته قـول لوق ائدون دای اؤلـمایین قیّــوم بــیــزه
مــردمــی ایــنــجــیتــمیــون نــامهربانلیق گؤرمیون
شمس تبریزی گونش تک نور ساچیر خؤی شـهرینه
اؤلمــیــون خــفّــاش دونــیــانی قـارانلیق گؤرمیون
شمس اگر خؤی دا یاتیب خؤی دا قورولسون مجلسی
آز کیــچـیــلدین بیــزلری ســیز میزبانلیق گؤرمیون
ساخلاریق گؤز اوسته کیم شـمــسین قؤنــاقی آدلانا
بیــزده خــدمــت ائتــمگه هئــچ ناتوانلیق گؤرمیون
حقّی وار بو مـردمــون آبــاد ائده اؤز شــهــریــنــی
یــاردیم ائتمیرسیز اگر قورد تک دومانلیق گؤرمیون
دیــن و قــرآنه اگــر واردیر یــقیــنیــز دؤغــرودان
سیــز اولون یاز فصلی تا هئچ واخ خزانلیق گورمیون
ایرانین هر گوشه سی جان تک عزیزدی خــؤی لویا
دوشــمــانیـن بســتـانــینه بیزدن جووانلیق گؤرمیون
»هایما« تــکرار ائــله دوغــما دیــارین عشــقیــنـه
خوی قیزیل گول لی گولستاندی تیکانلیق گؤرمیون
